今日收到一個客嘅查詢，覺得幾有趣，不如就同大家分享一下…………佢喺我哋度買咗一啲紫薯，返到屋企切開見到好多白點同白色汁液， 佢就問我哋係咪壞咗？

其實係正常現象，因為紫薯中營養物質非常豐富，越新鮮嘅紫薯，裏面嘅白點點同白色汁液就越多，紫薯中含有豐富嘅澱粉，加上紫薯會由乳汁管分泌乳汁，呢啲乳汁管由許多圓柱形的細胞連結而成，乳汁通常係白色，當白色的乳汁比較乾嘅時候，就會變成白色小點，所以白點其實就係澱粉，所以當大家買咗紫薯返去切開見到咁嘅情況，絕對唔需要擔心，可以繼續享用！😘😘

紫薯嘅營養價值好高，卡路里、糖份同澱粉質比較低，而且升糖指數較慢，味道亦較清淡；而紫薯嘅維他命A含量係非常高，我哋每日大約攝取700至900微克就足夠，等於一個細嘅紫薯就已足夠一日嘅攝取量；紫薯仲有豐富花青素，係一種抗氧化物質，具有抗氧化、抗衰老同保護心臟嘅作用，被譽為「口服的皮膚化妝品」。仲有樣小貼士講你知，除咗蕃薯嘅肉富含膳食纖維、醣類和多種維他命之外，其實蕃薯皮係有好強嘅抗氧化成分，無論係烤、蒸、煮都可以能連皮一齊吃，營養價值更高！