我媽媽同婆婆都有清胎毒嘅習慣，就黎生BB之前我同好多媽媽一樣，都會比較燥熱（同燥底無直接關係嘅，但燥熱引起嘅問題真係會令人好心煩氣躁！）。呢個時候千祈唔好以為體質本身係寒底就一定唔關自己事呀！陀住BB嘅嗰陣，因為身體入面嘅荷爾蒙分泌同血液循環都會唔同咗，所以有機會改變體質自己都唔覺㗎～
我本身係熱底，係生完第一胎變咗寒寒地。其實陀住個小朋友係會積聚好多毒素喺個胎同身體入面，如果唔清熱毒，BB就好容易會出現過敏情況。通常會有嬰兒瘡疹，同埋比較容易有濕疹同奶癬。
大仔LaxsBB嗰陣皮膚已經好靚喇，我都好羨慕！
我自己通常6、7個月開始就清胎毒，飲吓啲去胎毒湯水（即係我地嘅去濕湯），通常用嘅湯料有土茯苓、紅菜頭、鑽地老鼠呢幾種。開頭無飲咁密嘅，之後自己慢慢加同調節，同埋會食一啲中醫角度屬於比較寒涼嘅瓜果，例如西瓜、苦瓜、青瓜等等都無問題。
一般人都知啱啱陀BB嘅時候唔好食沙律，有啲穩陣啲嘅媽媽連生果都唔食！始終每一個對清胎毒嘅反應都唔一樣，試過有啲媽媽9個月都唔敢食寒涼嘅野清一清毒！其實最緊要係留意自己身體，就住自己調節飲食，唔好一味跟足一個時間表，因為個個身體都唔一樣架！
咁我係點睇到自己有無胎熱嘅呢？
-
生暗瘡／皮膚出現紅點
-
眼睛容易有分泌物／眼垢
-
常常感到口乾
-
舌苔偏厚和黃
-
便祕
-
痕癢（嚴重的會變成妊娠瘙癢性毛囊炎或丘疹）
如果無出現呢啲徵狀，就唔洗清胎毒喇，不過都要注意飲食同作息時間，留意住身體變化，相信自己嘅感覺！
有咩會引起胎熱呢？
-
熬夜（事業型媽媽要特別注意⚠️）
-
火氣大
-
天氣熱
-
食煎炸（熱氣、肥膩）、生冷（冰凍）食物
-
冬天常食味濃（辛辣）／燥熱食物（牛肉、羊肉、咖喱就係好例子喇！）
-
濕熱嘅華南氣候都有影響